The Crooket Horned Ewie

'O were I able to rehearse,
My ewie's praisein proper verse,
I'd found it out as loud and fierce,
As ever piper's drone cou'd blaw.'

Chorus

She never threatened scab nor rot,
but keepit aye her ane jog trot,
Baith tae the fauld and tae the cot
was never sweir tae lead nor ca'.

Chorus

When ither ewies lap the dyke,
and ate the kail for a' the tyke,
My ewie never played the like
but stayed ahint the barnie wa'.

Chorus

But wad ye think for a' my keepin'
There came a nicken fen I was sleepin'
There came a nicken when I was sleepin'
And stole my yowie, horn an' a'

Chorus

Oh, gin I had the lad that did it
I haw sworn as weel as said it
Though the de'il himsel' they should forbid it
I would gie his neck a thraw

Chorus

She'd neither not carf nor keel
To mark upon her hip or heel
Her crookit horn it did as weel
To ken her o'er amang them a'

Chorus

The yowie wi' the crookit horn
The yowie wi' the crookit horn
My ewie wi' the crookit horn
Is ta'en frae me and sto'n awa'

Chorus

Cauld nor hunger never dang her,
Wind nor weet could never wrang her;
Ance she lay a week and langer
Out aneath a wreath o' snaw

Chorus

I looked aye at even for her,
Lest mishanter should come o'er her.
Or the foumart might devour her,
Gin the beastie bade awa.

Chorus

Yet, Monday last, for a' my keeping,
I canna speak o't without greeting,
A villain came when I was sleeping,
And staw my ewie, horn and a'.

Chorus

I sought her sair upon the morn,
And down 'aneath a buss o' thorn
I got my ewie's crooked horn,
But ah! my ewie was awa'.

Chorus

But gin I had the loon that did it,
I hae sworn as well as said it,
Though the Laird himsel' forbid it,
I wad gie his neck a thraw.

Chorus

O! had she dee'd o' crook or cauld,
As ewies do when they are auld,
It wadna been by mony fauld
Sae sair a heart to nane o's a'.

Chorus

For a' the claith that we hae worn,
Frae her and her's sae aften shorn,
The loss o' her we could hae borne,
Had fair strae death ta'en her awa'.

Chorus